Unha obra distinta, innovadora, enriquecida pero esencial no que ten de literaria. Por César Lorenzo Gil

César Lorenzo Gil incluíu Poétic@ nunha escolla de libros recomendados en Biosbardia. Reproducimos o seu texto:

Poétic@, de Fran Alonso. O primeiro gran traballo literario en galego pensado, executado e adaptado á lectura na internet. Este non é un libro electrónico común, é dicir, un contido equivalente ao texto dun libro pensado para ler no móbil ou na tableta. Non, Alonso utiliza as convencións xa recoñecidas e admitidas polo formato das webs para aproveitar todos os recursos da propia rede a prol da literatura. Unha experiencia que se pode desfrutar a bocadas, sen rumbo; unha viaxe que só necesita dunha wi-fi ou dun plan de datos, vale un modestiño. A cambio, unha obra distinta, innovadora, enriquecida pero esencial no que ten de literaria.