A libraría Cronopios de Compostela acolle este sábado ás 12,30 h o espectáculo infantil co que Fran Alonso presenta o seu libro «Poemas birollos para ler cos ollos»

web2

XG00258001A libraría Cronopios de Santiago de Compostela acollerá este sábado 15 de outubro ás 12,30 h. o espectáculo infantil de Fran Alonso co que presentará o seu libro Poemas birollos para ler cos ollos (publicado por Xerais).

O espectáculo, de animación literaria e dirixido ao público infantil, será conducido polo escritor Fran Alonso. De que está feita a poesía? Para que sirven as palabras? A través de versos, lecturas, xogos, caligramas e outras sorpresas, as nenas e nenos achegaranse á poesía infantil divertida e atrevida de Poemas birollos para ler cos ollos.

A libraría Cronópios de Santiago de Compostela está situada na rúa Alfredo Brañas, 24, baixo.